تعرفي إن نسب الشفاء من سرطان الثدي بتزيد كل يوم بسبب الكشف المبكر، علشان كده أهم نصيحة هي الاهتمام بالكشف المبكر والتوعية الدائمة.
الفحص الذاتي من أنجح طرق الاكتشاف المكبر اللي بيزود نسب الشفاء، علشان كده مهم :
- تتعرفي علي الشكل الطبيعي لجسمك و تلاحظي أي تغيير.
- تبدأي الفحص الذاتي من عمر 20 سنة، وحتى بعد سن اليأس.
- تداومي علي الفحص بانتظام كل شهر بعد نهاية الدورة الشهرية.
- الفحص بيتم بالعين باستعمال اليد والأصابع، وليه
طرق متنوعة.
العلامات دي مؤشر على انك لازم تتحركي وتستشيري دكتور متخصص
ظهور كتلة أو أكثر تحت الإبط
لاحظتي تغير شكل أو سُمك الثدي أو الخلايا الموجودة حواليه
حسيتي بوجود دمامل أو انتفاخات في جلد الصدر
تغير لون أو شكل الحلمة أو حصل انكماش فيها
ظهر احمرار على الجلد أو حسيتي بسخونة في الصدر
